Catalina Usme make yon gòl bonè nan dezyèm mitan match Kolonbi-Jamayik la 1-0, pou pemèt ekip la avanse nan kadefinal Mondyal Foutbòl Feminin nan pou premye fwa.
Kolonbi pral fè fas ak chanpyon Ewopeyen Angletè Samdi nan vil Sydney, pou yon plas nan semi-final yo.
Anglete te avanse sou penalite apre li te fè match nil ak Nijerya Lendi.
Usme te rele pou selebre gòl li te make nan 52èm minit match la.
Sete premye gòl Jamayik pemèt yon ekip make sou li nan tounwa a.
Vedèt tinedjè Linda Caicedo te gen plizyè opòtinite pou make gòl tou, men li pat resi fè l nan yon match ki te trè fizik pou 2 ekip yo.
