Abit ki tap jere match foutbòl seleksyon nasyonal Etazini kont Meksik la Jedi swa egzije yo fini anvan lè akoz fanatik yo tap plede chante chanson omofòb (setadi anti-masisi).
Gen 4 jwe ki pran kat wouj nan match la, ke Etazini genyen 3-0. Se konsa Ameriken yo ranpòte tikè pou final Lig Nasyon CONCACAF la Dimanch kont Kanada.
Christian Pulisic make 2 gòl epi Ricardo Pepi make youn.
Abit la kanpe match la nan 90èm minit la akoz chanson omofòb yo.
Lè match la te reprann, yo te ajoute 12 minit tan siplemantè, men fanatik yo te rekòmanse chante e sa te lakoz abit la te mete fen nan match la nan 8èm minit tan siplemantè a.
FIFA egzije Meksik peye yon amann $108,000 dola nanmwad Janvye a akoz chanson anti-omoseksyèl fanatik yo tap chante nan 2 match.