Prezidan an di ajans nouvèl Reuters, Vinicius Jr pral dirije yon komite espesyal FIFA kont anti-rasis kap gen ladann lòt jwè ki pral pwopoze sanksyon pi sevè kont diskriminasyon nan foutbòl.
"Pou mwen, sa ki klè, sè ke, pa gen foutbòl si gen rasis. Kidonk, lè gen rasis, ou oblije sispann jwèt la. Pa gen lòt bagay pou nou fè, fòk nou sispann match yo. »
Infantino Deklare: "Nou pral pran mezi byen solid pou fini ak pwoblèm rasis la, nou pral kreye yon gwoup ki pral rankontre ak FIFA pou pwopoze mezi byen klè.
Nan menm rankont sa prezidan FIFA a te kontinye pou di:
"Ase. Nou pa ka tolere pwoblèm diskriminasyon ak rasis nan foutbòl la ankò."
Infantino te pale konsa apre li te rankontre Vinicius ak seleksyon brezilyen an, ki te fè fas ak Gine nan Barcelone Samdi a nan kad yon kanpay anti-rasis ki ke Federasyon foutbòl brezilyen an te dirije.
Fanatik te atake atakan brezilyen an Vinicius Jr, jou Real Madrid tap jwe ak Valencia nan mwa Me a. Se te 10yèm ensidan ki te enplike jèn jwè 22 lane a ke Liga te rapòte bay lajistis pou sezon sa a. Predidan FIFA di tou: Kòm dirijan, responsablite nou se mete jwè yo nan pi bon kondisyon pou fè moun kontan. »
