Moun nan peyi Angletè, Espay, La Frans, Almay ak Itali ap kapab wè Mondyal Foutbòl Feminen an an dirèk apre FIFA, oganizasyon ki jere mondyal la antann ni ak Inyon Televifizyon Ewopeyen an, EBU, sou dwa difizyon yo. Sa mete fen nan menas blakawout ki te egziste nan peyi Ewopeyen ki pi renmen foutbòl yo.
Dwa pou difize tounwa ane sa a vann separeman ak Mondyal Foutbòl Maskilen an pou premye fwa. E Prezidan FIFA, Gianni Infantino deklare mwa pase a ke 5 peyi yo tapral fè fas ak yon blakawout si yo pat amelyore of "inakseptab" yo fè a.
Nan mwad Oktòb 2022, FIFA ak EBU, ki reprezante medya nasyonal kontinan an te anonse yon antant preliminè ki konfime ke Mondyal la tapral difize gratis nan 28 teritwa Ewopeyen.
Antant sa a vinn pi laj kounyea pou l kouvri 5 peyi yo ansanm ak Ikrèn.
Chèn televizyon ITV ak BBC an Angletè, ARD ak ZDF nan Almay, Frans Televizyon, RAI Itali, ak RTVE Espay pral difize tounwa a. Yo pa revele detay finansye antant la.
Apepre 1,12 milya spektatè te suiv Mondyal Foutbòl Feminen ane 2019 la nan peyi la Frans sou tout platfòm yo, dapre FIFA.
9èm Mondyal Foutbòl Feminen an pral demare nan Sidney, Ostrali ak Auckland, Nouvèl Zeland 20 Jiyè kap vini an.
