Prezidan Joe Biden di li "santi l ankouraje" pa rapò ak antant li fe ak Lidè Lachanm Kevin McCarthy sou plafòn det la ak bidje nasyonal la.
Biden lanse apèl bay palmantè yo pou yo apwouve antant la.
Lidè Lamezonblanch ak Kongrè a ap travay ansanm pou asire Lachanm apwouve antant la a tan pou ogmante plafon dèt peyi a epi evite yon sityasyon kote Etazini paka peye dèt li.
Kèk konsèvatè zèl dwat kritike antant la, tandiske liberal yo plenyen pou nouvo règ travay yo ki pral afekte granmoun Ameriken kap patisipe nan pwogram asistans alimantè a.
Antant la va fè fas ak yon gwo tès Madi lè Komisyon Règleman Lachanm nan vote sou li.
Tout manm Lachanm Depite a sipoze vote sou li Mèkredi.
Otorite yo di Etazini pap kapab peye dèt li apati 5 Jyen, si yo pa apwouve l.