Lidè Lachanm Depite Etazini Kevin McCarthy deklare negosyatè yo "fè pwogrè" nan jefo pou jwenn yon antant ak Lamezonblanch pou ogmante plafon dèt peyi a epi evite Etazini paka re-peye lajan li dwe.
McCarthy deklare Vandredi gen anpil travay ki rete pou fèt.
Negosyatè yo ap eseye jwenn yon antant wikèn sa a.
Dat limit la se premye Jyen, e Depatman Trezo a lanse avètisman pou di - si pa gen yon antant peyi a pap ka re-peye lajan li dwe.
Yon evenman kote gouvènman federal la pa gen lajan pou re-peye dèt nasyonal la taka koze kawo nan ekonomi peyi a.
Kestyon lajan bidjè a se pa sèl gwo kestyon yap diskite kote Repibliken ak Demokrat yo dozado.
Yon lot kestyon kote ki gen dezako se deman Repibliken yo fè pou mande plis règ pa rapo ak moun kap resevwa asistans leta.
Nempot konpwomi ap bezwen sipo Demokrat ak Repibliken pou l apwouve nan Kongrè a.
