Sa se dènye siy ke Donald Trump ka gen difikilte pou li jwenn yon 3èm nominasyon pati Repibliken an pou prezidan.
Dimanch, Madam Emily Seidel ki se alatèt AFP e yon gwo konseye pou gwoup ki afilye ak li, ki rele AFP Aksyon, voye yon lèt 3 paj bay anplwaye nan òganizasyon li a ak rezo militan ki travay ak gwoup la, pou prezante estrateji òganizasyon an pou 2024.
« Pou nou ekri yon nouvo chapit pou peyi nou an, nou bezwen vire paj sou le passé. Li ajoute, «Pi bon bagay pou peyi a se ta gen yon prezidan an 2025 ki reprezante yon nouvo chapit, … e pèp ameriken an moutre li pare pou vanse pou vire paj la. »
Ameriken pou Pwosperite se yon gwoup ki ekziste depi 2004 ak sipò 2 frè Charles ak David Koch, 2 milyadè endistriyèl ki gen yon istwa kòm militan nan politik konsèvatè, e ki pote-kole ak yon rezo militan rich nan tout peyi a.