Avoka pitit gason Prezizan Joe Biden nan, Hunter, mande Depatman Jistis la pou l envestige alye pwoch ansyen Prezidan Donald Trump ak lot moun ki te gen aksè epi pibliye done pesonèl yo te jwen sou odinatè li, apre li te remèt li bay yon magazen pou repare nan eta Delaware an 2019.
Deman la fèt nan yon lèt Mekredi. Nan yon lèt separe, avoka Hunter Biden yo mande animatè rezo televizyon Fox News, Tucker Carlson, pou'l korije epi prezante eskiz li pou sa yo dekri tankou deklarasyon ki fo ak defamatwa yo te fè sou li pandan yon pwogram an dirèk.
Deman pou ankèt kriminèl la vini nan moman Hunter Biden ap fè fas ak yon envestigasyon sou kestyon evazyon enpo ke Depatman Jistis la ap mennen kont li.
