Si sipèsta Taylor Swift pran djèt li apre konsè li nan vil Tokyo, kapital Japon pou l Las Vegas pou wè menaj li, Travis Kelce, jwe nan Sipèbòl la (chanpyona foutbòl zepòl kare a), li pral bezwen yon kote pou pake djèt li a.
Ayeropò Entènasyonal Harry Reid la ak Administrasyon Federal Aviyasyon an (FAA) di gen 475 lye pakin ki disponib pou avyon andedan ak ozalantou vil Las Vegas e tout rezève.
Ane pase a, Phoenix, nan eta Arizona te sèvi ak tout pakin avyon li yo - swa 1,100 pou Sipebòl la.
Pilòt kap vwayaje Las Vegas ta kapab depoze kèk pasaje epi al pake nan lòt ayewopò nan rejyon an.
Vandredi, Anbasad peyi Japon nan Washington te pibliye yon kòmantè pou di kòm kwa li apiye jefò Swift ap fè pou l wè menaj li jwe nan gwo match chanpyona NFL la.
