Foutbolè Ameriken Travis Kelce ki jwe pou Kansas City Chiefs ap jwe nan yon nivo ki pi wo sè jou si.
Jounalis ki fè repòtaj sou spò yo ap mande si se yon kowensidans oubyen rezilta relasyon amourez misye fèk komanse ak supèvedèt pòp Taylor Swift.
Kelce jwe pozisyon "tight end" pou ekip Chiefs la ki se yon pozisyon ofansiv.
Premye semèn sezon an, Kelce te blese je nou li donk li patka jwe. Ekip li te pèdi devan Detroit Lions. Men nan 6 match li jwe depi nouvo menaj li Taylor Swift vinn asiste pou tcheke misye sou teren an, misye trape 48 pas, kouri 499 yard epi fè 4 touchdown (kidonk gòl).
Nan match pi resan an, Kelce trape balon an 12 fwa, epi ede ekip li ranpòte la viktwa 31-17 sou Chargers yo. Swift te asiste match la, nan vil Kansas City, kote li te chita bò kote madanm kwatèbak ekip la, Brittany Homes epi li te koze ak papa Travis Kelce.
Tout sa te lakoz antrenè ekip Chiefs la, Andy Reid te deklare - "Taylot ka rete osi lontan ke li vle."
Se pa blag non plis. Yo di li posib mamzèl pote Kelce chans.
