Rezo sosyal X (ke moun te konnen kom Twitter) bloke kek rechèch kap fèt sou chantez popilè Taylor Swift apre fo imaj pòrnografik ke yon moun kreye ak entelijans atifisyèl te pwopaje sou rezo a.
Kounyea si yon moun chache kontni ki pote non Taylor Swift wap jwenn yon mesaj ki di ou fè erè epi eseye ankò.
Sepandan, si yon moun mete " ozalantou non Taylor Swift, ou ka wè kontni ki pote non li.
Fo imaj seksyèl ki montre Swift te komanse sikile sou rezo X la semèn pase a. Sa fè l tounen viktim ki gen plis renome de yon teknoloji ke gwoup kap lite kont abi yo ap goumen pou korije.
Yon responsab X di se yon "aksyon pwovizwa" yo pran "pa mezi prekosyon nan moman yap eseye priyorize sekirite itilizatè yo."
