Ostrali ranpòte la viktwa sou Irland 1-0 nan match ouvèti li nan Mondyal Foutbòl Feminin FIFA a. Match la te dewoule nan vil Sydney ak absans vedèt ostralyèn Sam Kerr.
Jwèz Steph Catley make yon gòl sou penalite nan 52èm minit la pou Ostrali. Fanatik yo te bat bravo ak kè kontan. Gen 75,784 spektatè ki te sou plas pou gade match la.
Kerr gen blese janm ni lavèy match ouvèti a. Li se kapitèn ekip la e otorite yo fè konnen li pral rate dezyèm match ekip la, ke yo bay ti non jwèt Matilda yo kont Nijerya akoz blesi sa a. Ostrali fè pati gwoup B.
Pandansetan, La Nouvèl Zeland kale Nòvèj 1-0 nan match pa li ki te dewoule nan vil Auckland. Sa te siprann tout moun paske Nòrvèj te ranpòte Mondyal la an 1995.
Se Hannah Wilkinson ki make gòl ki genyen match la nan ouvèti dezyèm mitan an.
Sete premye viktwa La Nouvèl Zeland janm ranpòte nan Mondyal Foutbòl Feminin nan.
Match la te dewoule nan stad Eden Park, kote 42,137 moun te prezan pou gade epi bat bravo pou ekip peyi òganizatè a.
