Yon match amikal ant seleksyon nasyonal Irland epi Kolonbi anvan dewoulman Mondyal Foutbòl Feminin nan te vinn abandone apre 20 minit.
Sak pase? Eben medam Irlandèz yo deklare match la te vinn "twò fizik".
Irland di nan yon deklarasyon li pibliye ke match amikal la nan Brisbane te vinn rakousi apre yo te fè konsiltasyon ak abit yo. Ekip la te antrene sou teren an pito.
Denis O'Sullivan ki jwe mitan pou Irland te oblije al lopital pou yon blesi nan janm li te sibi pandan match la. Gen 2 jwèz Kolonbi ki resevwa kat jon nan premye 19 minit yo.
Foutbòl Irland te fè konnen pi ta ke radyografi ak yon skan yo fè pou jwèz ki blese a pa montre okenn ze fele.
Ostrali ak La Nouvèl Zeland ap oganize Mondyal Foutbòl Feminin FIFA a ansanm ane sa a.
Lap tanmen 20 Jiyè.
