Fanatik foutbol defile sou pon ikonik Harbour Bridge la nan Sidney, Ostrali 25 Jyen pou selebre 25 jou anvan dewoulman Mondyal Foutbol Feminen FIFA a. Tounwa foutbol entenasyonal la pral dewoule nan Ostrali ak La Nouvel Zeland ane sa a.
Sa pa gen lontan, FIFA te antann ni ak jwe yo pou ogmante sale patisipan nan tounwa a. Chak jwe pral resevwa $30,000 dola Ameriken omwens pandan tounwa a.
Riannon Martin se Direktris Mondyal Medam FIFA a.
" Pou premye fwa nou rezeve bon kou lajan pou jwe kap patisipe nan tounwa a. Si jwe yo jwe selman nan etap gwoup la yo chak pral resevwa $30,000 Ameriken e si nou gade sale mwayen jwez foutbol yo nan mond lan, se apepre $14,000. Donk ou konnen se gwo zafe. E si ou pran twofe a ou pral resevwa $270,000. Donk FIFA travay di pou jwenn bon afe pou jwe yo, ki ap jwe epi pefome nan pi wo nivo spo a."
Nap raple ke medam yo mande pou egalize sale yo ak sa mesye yo touche. James Johnson se PDG Football Australia.
" Donk foutbol Ostrali ak PFA a, sendika jwe yo isit la negosye pou yo peye medam nou menm sale ak mesye yo. Nou gen yon ti travay ki rete pou fet sou sa nan nivo global la. Men nou fe anpil pwogre pou elimine diferans sale a ant gason ak fanm kap jwe nan Mondyal FIFA yo. Donk nou tre kontan ak pwogre ki fet la. Men gen travay ki rete pou fe nan moman nap vanse sou Mondyal 2023 a epi pwochen mondyal la an 2027."
Jounalis yo mande Riannon Martin kijan FIFA pral jere rasism.
" Wi eben FIFA ap eseye jere sak te pase nan La Nouvel Zeland ak Qatar resaman, donk mwen paka bay plis detay pou kounyea. Men m'espere nou pap gen okenn ensidan rasis nan Mondyal Medam yo."
Jounalis yo tou profite mande Martin, kiyes li kwe ki pral ranpote tounwa a.
"Map kontan we tout ekip yo. Mwen gen nasyonalite suis donk byen su map kontan we pefomans ekip Suis la men mwen espere ekip kap oganize Mondyal la tou ap avanse nan tounwa a. Tounwa a ap gen plis sikse si Ostrali ak La Nouvel Zeland avanse pi lwen pase etap gwoup la epi jwenn tike pou eliminatwa yo."
Mondyal Medam yo ap tanmen 20 Jiye kap vini an, e VOA Kreyol ap sou plas.
Enfomasyon pou repotaj sa a soti nan Associated Press
