Manman prezidan federasyon foutbòl Espay la ki anba gwo presyon ak kritik apre li te bo yon jwèz seleksyon nasyonal sou bouch pandan seremoni remiz meday Mondyal Foutbòl Feminen an nan Ostrali tanmen yon grèv grangou nan yon legliz nan sid peyi Espay pou defann pitit gason li.
Angeles Bejar, manman prezidan federasyon an ke yo sispann, Luis Rubiales, di ajans nouvèl leta Espay la EFE Lendi ke li pral kontinye fè grèv grangou jiskaske yo jwenn yon solisyon pou tretman pitit gason li resevwa.
Nan pale li fè ak jounalis devan legliz la nan vil Motril, kouzinn Rubiales la, Vanessa Ruiz te rejwenn manman misye. Li lanse apèl bay jwèz Jenni Hermoso pou l rektifye e di la verite.
Anpil moun te entèprete bo a tankou abi seksyèl.
FIFA sispann Rubiales pwovizwaman Samdi apre li te defye tout moun nan yon diskou li te pwononse epi derefize bay demisyon l.
