Prezidan Federasyon Foutbòl Espay la refize ban demisyonn malgre gwo pale anpil li soulve apre li te bo yon jwez seleksyon nasyonal feminen an sou bouch san konsantman li apre final Mondyal la.
Luis Rubiales deklare pandan yon rankont dijans asanble jeneral la Vandredi ke li pap demisyonen.
Rubiales te bo Jenni Hermoso sou bouch pandan seremoni remiz meday la apre Espay te kale Anglete 10 nan peyi Ostrali.
Plizyè medya Espayol te rapòte ke Rubiales te gen entansyon demisyonnen.
Sepandan Vandredi, li te kanpe fèm sou pozisyon ni ke bo a te fèt ak "konsantman mutyèl" Hermoso (setadi yo tou le 2 te dakò).
Hermoso te di nan yon videyo li te pibliye apre bo a Dimanch pase a ke "m'pat renmen l, men kisa m ka fè?"
