Prezidan Federasyon Foutbòl Espay la gate selebrasyon kap fèt apre medam yo ranpòte Koup di Mond Feminen an akoz li bo yon jwèz sou bouch pandan seremoni remiz meday la. Se pa youn ni 2 kritik ki tonbe sou do misye. Moun kritike l sitou dèske li konpòte l yon fason ki pa apwopriye vizavi jwèz ki deja ap lite pou simonte defi seksism nan.
Gouvènman Espay la ansanm ak sendika entènasyonal jwè foutbòl yo kondane konpòtman Luis Rubiales Lendi, apre Espay kale Angletè 1-0.
Federasyon foutbòl Espay la, ke Rubiales dirije eseye diminye enpotans ensidan an atravè yon deklarasyon li pibliye.
Koze bo sa a te chokan sitou apre pakèt akizasyon jwèz yo lanse kont prezidan federasyon foutbòl yo ansanm ak antrenè - tout se gason - pou di yo komèt arsèlman seksyèl kont foutbolez seleksyon nasyonal yo.
