Patisipasyon sa a te fè listwa pou Ayiti.
Delepine di AFP ke li kwè li menm ak Federasyon an rive nan fen misyon yo.
Li te dirije ekip la pou plis pase yon ane edmi, e anba direksyon li ekip la te jwenn tikè kalifikasyon istorik pou Mondyal foutbòl feminen 2023 a.
Delepine di AFP li fe bilan ak staf li e ke yo kwè jwèz yo bezwen yon nouvo vizyon.
Li di yo te mande yo fè anpil bagay.
Jan li te di sa nan yon entèvyou ak VOA Kreyòl nan vil Perth, kontra Delepine ansanm ak staf li, ekspire nan fen mondyal la.
Ayiti pèdi tou le 3 match li yo nan tounwa a: 1-0 kont Angletè ak Lachin, epi 2-0 kont Dannmark.
Delepine di AFP ke Federasyon Ayisyèn nan te gen volonte pou yo rete, men yo te chwazi pou yo pati sou yon nouvèl avanti, epi gade bon souvni de ekip la.
Nicolas Delepine gen 44 an. Kontra li ak Grenoble te sipoze ekspire sezon sa a tou.
Li esplike ke li resevwa kèk pwopozisyon bò kote lòt seleksyon feminen pou yon pwojè nan lavni.
