Otorite zil Tik ak Kekòs fè konnen yo arete yon polisye epi akize l dèske li te bay migran ilegal abri.
Responsab zile a ap goumen pou fè fas ak yon gwo ogmantasyon nan kantite migran Ayisyen kap rive lakay li.
Komisè lapolis Trevor Botting derefize fè oken lòt komantè sou kestyon an men li di nan yon deklarasyon li fè Jedi ke polisye a pran vakans administrativ akoz yon lòt kestyon.
Otorite yo di yo jwen 4 Ayisyen ki gen ant 22 ak 65 an ap viv sou pwopriyete polisye a.
Lapolis di yo arete omwens 180 migran yo kwè se Ayisyen pandan semèn ki sot pase yo. Yo di moun sa yo ap kouri kite Ayiti akòz lamizè ak zak vyolans nan peyi a.
