Plis pase 500 migran Kiben debake nan zile Florid yo pandan wikèn nan. Se pi gwo kantite migran yo konstate kap kouri kite zile Kominis la.
Gwo ogmantasyon sa a bay pwoblèm pou gad fwontyè Etazini kap travay sou lanmè ak sou tè.
Vwayaj soti Kiba pou rive Florid la danjre anpil. Gen plizyè milye migran ki peri sou lanmè pandan ane ki pase yo. Men gen plis Kiben kounyea kap tante chans yo.
Depi 1 Oktòb, gen apepre 4,200 Kiben ke Gad Kòt ranmase sou lanmè - sa egal 43 moun pa jou.
Gad Kòt eseye anpeche migran Kiben yo rive Ozetazini epi mennen yo tounen nan peyi yo, men kanmenm, gen anpil ki rive nan Florid.
