Administrasyon Biden nan anonse Jedi li pral rekomanse ekspilse tou swit Kiben, Ayisyen ak Nikaragweyen ki travèse fwontyè li pataje ak Meksik la ilegalman. Anons sa a fè pati yon plan pou ogmante plan ki deja egziste kote yo depote to suit Venezyelyen kap chache antre Ozetazini yo.
Administrasyon an di li pral aksepte 30,000 migran pa mwa ki soti nan 4 peyi sa yo pandan 2 ane kap vini yo. Etazini pral ofri yo posibilite pou yo travay legalman men fok yo antre nan peyi a legalman, gen moun pou sponsorize yo, epi fok yo jwenn bon rezilta nan pwosesis kote responsab imigrasyon yo verifye idantite yo ak rezon yo vle antre Ozetazini.
4 peyi ki afekte yo reprezante pi fò migran ki travèse fwontyè a pandan ane 2022 a, e pa gen mwayen fasil pou voye yo tounen lakay yo.
Biden di: " Pa anik paret sou fwontye a konsa. Rete kote ou ye, e aplike pou antre Ozetazini legalman."
Se mezi pi oze Biden pran pou konfwonte pwoblèm pakèt migran kap rive sou fwontyè a e li reprezante yon gwo chanjman nan règleman imigrasyon ki pral rete an plas, menm si Kou Siprèm Etazini an mete fen nan lwa sante piblik Trump te mete an plas la, ki pèmèt otorite Ameriken yo refoule moun kap chache mande azil Ozetazini.
