Kore di Nò fè yon esè misil balistik kout pòte ki tonbe nan lanmè ès la.
Zak sa a se kontinyasyon seri pwovokasyon kote li deside fè esè nikleyè nan moman yon bato de gè Ameriken tap vizite Kore di Sid pou egzèsis militè konjwen ak Kore di Sid. Egzèsis sa yo gen kòm bi pou reponn menas nikleyè Nò a kap ogmante pi plis chak jou.
Chèf d Eta Majò Fòs Zame Kore di Sid deklare misil ki lanse Dimanch la depi vil Taechon nan wès Kore di Nò, te vole 595 kilomèt e li monte nan yon altitid 59 kilomèt anvan li te ateri nan lanmè sou kòt ès Kore di Nò.
Li posib yon lòt esè misil balistik va swiv esè Dimanch la. Otorite Kore di Sid yo di Samdi yo te detekte kèk siy ki montre Kore di Nò ap ranje kò li pou'l teste yon misil ki fèt ekspre pou lanse depi soumaren.
