Ajans Ransèyman Etazini detèmine ke Moskou ap achte minisyon atiyri nan men Kore di Nò, dapre sa jounal New York Times rapòte. Nouvèl sa a tonbe kèk jou sèlman apre rapò ki te fè konnen lame Ris la te kòmanse sèvi ak dron Iranyen.
Responsab gouvènman Ameriken an di jounal New York Times ke acha yo montre sanksyon komanse mòde Larisi epi redwi kapasite li pou'l kontinye envazyon li nan Ikrèn, ke Moskou dekri tankou yon "operasyon militè espesyal".
New York Times di Lendi enfòmasyon ke yo deklasifye sa pa gen lontan pat bay okenn detay sou kisa Ris yo te achte, eksepte ke ladann te gen minisyon pou atiyri ak obi. Yo atann yo aske Larisi achte lòt bagay.
