Antèman Elizabèt II a nan Westminster kap fèt semèn pwochèn, se ap yon gwo evènman ki ap gen ak presans plizyè diplomat ki soti toupatou nan mond lan. Ap gen tou yon gwo defi sekirite pou fè tout moun respekte lalwa ak pwotokòl yo.
Prezidan ameriken an, Joe Biden, konfime ke li ap prezan, e li te jwenn pèmisyon pou l vini nan pwòp limo blende pa l, ki rele "Bèt la".
Yon dokiman ki bay plis detay sou aranjman yo sijere ke lòt lidè yo pral oblije pran yon otobis pou ale nan Westminster Abbey. Men òganizatè yo eksplike ke alye ki pi pwoch Wayom Ini yo kapab itilize pwòp mwayen transpò pa yo.
Pami yo, Prezidan fransè Emmanuel Macron ak Premye Minis Kanadyen Justin Trudeau, ansanm ak Anperè Japonè Naruhito.
Yon pòtpawòl gouvènman an te di nan Madi, se pral yon "jou trè okipe e nou gen konfyans ke diyitè atravè mond lan k ap fè vwayaj la pral konprann ke sa a se yon defi redoutab ak yon sitiyasyon etranj,"
Ansyen Wa Espay la Juan Carlos I, ki te abdike an 2014 e ki t ap viv ann egzil nan Emira Arab Ini yo, te di li ta pral patisipe nan antèman an ansanm ak pitit gason l, aktyèl wa Felipe VI.
Prezidan Ris Vladimir Putin te voye yon mesaj trè chalere Jedi apre anons lanmò souveren an. E li te endike ke li pa ta pral ale nan fineray la.
Ni Larisi ak Byelorisi gen anbasad nan Lond, men relasyon diplomatik yo te vin malouk depi kòmansman lagè a nan Ikrèn, ke Byelorisi sipòte Larisi ladann.
