Washington anonse madi plizyè inisyativ bò kote gouvnman an ak sekè prive a pou ranfòse devlopman ak sekirite nan Amerik Santral la nan kad yon pwogram prepare pou atake rasin prensipal pwoblèm ki lakoz moun nan rejyon a ap kite peyi yo pou yo ale Ozetazini.
Se Vis Prezidant Kamala Harris k ap jere pwogram nan ki gen ladan l rankont ak lidè nan sektè biznis la lendi anvan li te anonse kèk pwojè sektè prive a kote kèk biznis ak òganizasyon pral dekese yon milya 900 milyon dola.
Anons la rive nan moman Etazini ap sèvi kòm peyiòganizatè Somè Dezamerik la k ap dewoule seèn sa a nan Los Angeles; men gen liè enpòtan ki pa prezan
Lèzetazini pa envite Kiba, Nikaragwa ak Venezuela patisipe nan somè a. Sekretè Lapès Lamezonblanch la, Karine Jean-Pierre, fè lapès konnen lendi: “Nou pa panse diktatè yo ta dwe jwenn envitasyon.”
Kòm reyaksyon, Prezidan meksiken an, Andrės Manuel López-Obrador fè konnen li pa p prezante nan rankont la, men pito l ap voye minis afè etranje l la nan plas li. Prezidan Ondiras la, Xiomara Castro, li menm tou, deside rete lakay li apre li te fè konnen li dispoze asiste somè a kondisyon pou “tout peyi nan Amerik yo jwenn envitasyon san okenn eksepsyon.”
