Nan yon entèvyou ak VOA ann Espayòl, Majistra vil Los Angeles la, Eric Garcetti pale de lyen ekonomik ak sosyal ki egziste ant vil la jere a ak Amerik Latin nan.
Pou Garcetti, Los Angeles se yon vil ideyal pou oganize Somè Dèz Amerik la.
"Li natirèl pou Los Angeles oganize some sa a paske nou se kapital nò Amerik Latin nan e gen sitwayen ki soti nan tout peyi nan rejyon an kap viv isit la," majistra a di VOA nan panyòl. " Nou gen isit la tou yon sant kiltirel, gen echanj ekonomik e nou pataje menm pwoblem ak Amerik yo."
Se Garcetti ki lanse jefò pou some rejyonal enpòtan sa a dewoule nan vil pa li a.
Lamezonblanch te dakò, e se konsa li te vin òganize rankont la. Dapre majistra a 63% popilasyon Los Angeles la se imigran oubyen pitit imigran.
"Mwen se pitit pitit imigran Meksiken," misye fè konnen, "sa fe pati entegral idantite mwen epitou vizyon mwen. Mwen vle yon vil, ak yon mon tou kote tout moun santi yo fe pati de li, paske le nou pataje santiman sa a nou gen opòtinite fe chanjman nan vil la, solisyone pwoblem nou epitou we fanmi nou nan Amerik yo tankou lide."
Pa rapò ak kijan Los Angeles kapab ede kominote imigran an, majistra Garcetti di fòk lidè yo nan nivo federal la pote kole avè'l.
"Finalman ak Kongrè a nap gen pi bon lwa imigrasyon men antanke vil nou gen anpil pouvwa pou'n ede imigran sa yo ko-egziste avè'n nan vil la.
Garcetti rekonèt ke gen gwoup nan Los Angeles menm jan ak pa lot bò fwontyè a kap ede migran yo men ke yo ta dwe travay ansanm pou ede moun sa yo.
Somè dèz Amerik la ap dewoule nan vil Los Angeles ant 6 ak 10 jyen, e li rasanble lidè enpòtan nan tout nivo ki soti nan divès peyi nan rejyon an.
Jounalis VOA Espayol Verónica Villafañe kontribye a repotaj sa a depi Los Angeles
