Depite Ameriken Scott Perry deklare ajan FBI sezi telefòn ni Madi apre yo prezante yon manda ba li.
Sikonstans ozalantou sezi sa a poko kle.
Depite Repibliken an ki reprezante Pensilvani nan Kongre a di gen 3 ajan ki te vizite'l pandan li tap vwayaje ak fanmi ni Madi e ke yo te "sezi telefòn ni".
Perry se yon pesonaj kle nan anket yon komisyon Kongre a ap mennen sou aktivite Prezidan Donald Trump anvan atak 6 Janvye 2021 an kont Capitòl la.
Ansyen responsab depatman Jistis Etazini temwaye ke Perry te jwe yon "wòl enpòtan" nan jefò Trump tap fe pou eseye enstale Jeffrey Clark - yo wo responsab depatman jistis la ki tap pwomouvwa deklarasyon san fondman Trump tap fe yo ke te gen koken nan eleksyon an. Trump te vle mete misye kòm minis jistis.
