Lidè peyi Ostrali, Lend, Japon, ak Lèzetazini te reyini madi nan Tokyo kote yo pran angajman pou yo fè pwomosyon pou yon rejyon endo-pasifik ki lib e ouvè, poou yo konbat chanjman klimatik yo epi kowopere pou bay yon repons pou pandemi KOVID-19 la.
Prezidan Joe Biden, ki te pran lapawòl nan kòmansman somè yon alyans enfòmèl ki rele QUAD, li deklare ke envazyon Putin nan Ikrèn nan “reprezante plis pase yon pwoblèm ewopeyen; se yon pwoblèm mondyal… Nou dwe defann entegrite teritoryal ak souverènte, dwa entènasyonal ak dwamoun kèlkeswa kote yo vyole yo nan lemond.”
Bò kote pa l, Premye Minis japonè a, Fumio Kishida, li menm tou, lonje dwèt sou konfli a nan Ikrèn. Li deklare: “Nou pa kapab kite menm bagay la rive nan rejyon endo-pasifik la.”
Pandan lòt manm QUAD la non sèlman kondane envazyon Larisi a nan Ikrèn, men tou yo enpoze sanksyon sou Moskou, Lend pa fe anyen nan sa, limenm. Premye Minis Narandra Modi pa menm mansyone konfli a nan deklarasyon li fe nan ouvèti somè a.
