Nan lanwuit mèkredi 12 mas pou louvir jedi 13 mas, gwoup gang mete dife nan lokal Radyo Televizyon Karayib ki twouve l nan ri Chavàn, nan Pòtoprens.
Nan yon kominike li pibliye sou rezo soyal yo, Laprimati di li kondane ak tout fòs li zak kriminèl bandi san fwa ni lwa yo
Laprimati deklare: "Mete dife nan yon medya senbolize tantativ bandi yo entimide moun k ap travay pou enfòme popilasyon an".
Gouvènman kontinye pou l di " Zak malonèt sa [...] p ap rete san pinisyon".
Biwo Laprimati enfòme gen mezi ki pran pou ranfòse sekirite a nan kapital e bay gwoup gang yo monnen pyès yo.
Gouvènman an pwomèt "Operasyon pou demantle gang yo ap kontinye san okenn fay".
