Chanm Depite Etazini vote pou sansire Al Green, yon depite Demokrat Texas, poutèt li te entewonp diskou Prezidan Donald Trump devan Kongrè a, Madi 4 Mas la.
Green di li pa regrete anyen lè li tap esplike aksyon li te poze nan Lachanm e li di li pare pou fè l anko.
Rezolisyon kont Green nan pase ak yon maj 224-198 Jedi.
Gen 20 kanmarad Demokrat ki te rejwenn Green nan seksyon Lachanm kote Prezidan Mike Johnson tap li rezolisyon an.
Green ak kèk pami kolèg li yo te pran chante "We Shall Overcome" pandan Johnson tap pale.
Repibliken yo te rele "mete lod nan dezod" pandan chante a tap kontinye.
Evantyèlman, Johnson te deklare Lachanm finn travay pou jounen an.
