Trump Pwomèt pou l Kontinye Lanse 'Aksyon Rapid ak Enplakab' Pandan Diskou li Devan Kongrè a
- By Reuters
Prezidan Donald Trump sèmante pou l kontinye pouse pou pi devan ak kanpay "aksyon rapid ak enplakab" pou re-oriyante ekonomi peyi Etazini, imigrasyon ak politik etranje. Trump fè deklarasyon sa a pandan yon diskou devan yon sesyon konjwen Kongrè a pou pèp Ameriken an.
Palmantè Demokrat yo montre mekontantman yo ak figi yo mare. Gen kèk pami yo ki te kenbe pannkat ki di "manti" epi gen youn ki te pran rele jous tan yo te wetire l nan sal la.
Diskou Trump la, ki dewoule pandan hè kote plis Ameriken ap gade televizyon te poze defi epi pwomouvwa politik li te pwomèt pou l mete an plas lè li tap mennen kanpay. Se menm politik sa yo li te mete an plas pandan premye semèn li sou pouvwa a.
Trump pwomèt pou l kontinye efektye gwo chanjman toupatou Ozetazini. Li di lap sove peyi a apre sa li dekri tankou destriksyon ak erè predesesè li kite dèyè. Li te zwing-zwing palmantè Demokrat yo tanzantan tou poutèt yo te pwoteste kont komantè li yo.
