Aksidan Avyon Washington: Denye Devlopman yo

Yon kolizyon ant yon elikoptè Lame Etazini ak yon avyon American Airlines ki te soti Kansas touye tou le 67 pasaje abo avyon yo.

Se sa otorite yo fè konnen Jedi nan moman yo tap gade de pre aksyon pilot militè a apre dezas avisyasyon pi fatal peyi Etazini janm konstate depi 25 an.

Sekouris yo rekipere omwens 28 kadav nan dlo glase flèv Potomac la apre elikoptè a te antre sou chimen avyon an byen ta Mèkredi swa nan moman avyon an tap eseye ateri nan ayewopo nasyonal Ronald Reagan nan tou pre Washington.

Avyon an te gen abo l 60 pasaje ak 4 manm ekipaj. Te gen 3 solda abo elikoptè a.

Dapre nouvèl yo gen yon sèl kontwolè trafik ayeryen ki te responsab pou kowodinasyon trafik elikoptè a epitou avyon kap rive epi dekole yo lè kolizyon an fèt la. Se sa ki nan yon rapo Administrasyon Federal Aviyasyon an (FAA) ke Associated Press wè. D abitid se 2 moun ki konn pataje responsabilite sa a, men tipikman ayeropo a konbine 2 wol separe yo a 9hè edmi nan aswè, lè trafik ayeryen an komanse ralanti. Sipèvizè tou kontwol la te pase lod pou yo konbine yo pi bonè.

Yon moun ki ranseye sou kestyon an di nivo anplwaye nan tou kontwol la te "nomal" Mèkredi swa. Sepandan rapo a di "plasman pozisyon an pat nomal pou horè jounen an ak volim trafik ayeryen an."

D abitid yo konn konbine responsabilite yo lè kontwolè yo bezwen deplase pou pran yon poz, lè yap fini travay e yon nouvo moun ap vini oswa lè trafik ayeryen an ralanti, dapre yon responsab ki mande pou yo pa site non li paske li pat gen otorizasyon diskite sou pwosesis entèn.

Prezidan Donald Trump te anonse pandan konferans pou laprès li nan Lamezonblanch ke pa gen okenn sivivan.

Ankèt sou aksidan avyon an taka pran plizyè mwa e anketè federal yo di jounalis yo yo pap spekile sou sak te koze kolizyon an.

Yon rapò Administrasyon Federal Aviyasyon an pibliye deklare kantite anplwaye ki tap travay nan tou kontwòl trafik ayeryen an "pat nomal" nan moman kolizyon avyon yo te fèt tou pre Washington.

Kolizyon ant yon elikoptè lame Etazini ak yon avyon American Airlines ki te soti Kansas touye tou le 67 pasaje abo 2 avyon yo, dapre responsab yo. Yo egzamine de pre aksyon pilòt militè a apre youn nan aksidan avyon pi grav ki rive Ozetazini depi yon jenerasyon.

Gen omwens 28 kadav ke yo rale soti nan dlo glase flèv Potomac la apre elikoptè a te aparaman vole sou chimen djèt la Mèkredi swa nan moman li tap ateri nan ayewopò nasyonal Ronald Reagan nan tou pre Washington.

Direktris Komisyon Nasyonal Sekirite Transpo (NTSB) Jennifer Homendy deklare Jedi pandan yon konferans de près ke: "nou pral gade fè yo pandan nap mennen ankèt e sa pral pran kèk tan."

Li tap reponn yon kestyon sou spekilasyon pa rapo ak sak koze kolizyon ant avyon American Airlines la ak elikoptè Lame a ta Mèkredi swa tou pre Washington.

Pandan konferans pou laprès pa li pi bonè Jedi, Prezidan Donald Trump te sigjere jefo divèsite Administrasyon Federal Aviyasyon an (FAA) te lakoz vwayaj pa avyon te vinn mwen sekirize.

Prezidan an bay opinyon pèsonèl li malgre yo poko finn ankete konplètman aksidan an, e pa gen okenn detèminasyon ki fèt pa rapo ak si FAA te fè yon bagay ki pa bon.

Gen 2 jèn patinè, 2 paran ak 2 antrenè patinaj sou glas Ris ke moun respekte anpil ki pami viktim aksidan avyon American Airlines ki fè kolizyon ak elikoptè lame Ameriken ki tonbe nan flèv Potomac la.

Doug Zeghibe, PDG Klib Patinaj Boston an deklare Jedi atlet Jinna Han ak Spencer Lane pami viktim yo ansanm ak antrene yo Evgenia Shishkova ak Vadim Naumov.

Oganizasyon Patinaj Etazini an te konfime anvan sa ke plizye patine, antrene ak manm fanmi yo te abo avyon komesyal la apre yo te finn asiste yon "kan devlopman" ki te dewoule apre chanpyona nasyonal ki fek sot fini Dimanch nan Wichita, eta Kansas.