Jeff Bezos, ki se met jounal Ameriken Washington Post defann desizyon jounal la pran pou l pa andose yon kandida prezidansyèl. Misye di se desizyon "korèk" la.
Biznisman milyadè a ki se mèt Amazon tou, ekri yon mesaj pou lektè yo Lendi swa apre nouvèl la te gaye epi vekse yon pakèt moun.
NPR (Radyo Nasyonal Etazini) rapote ke jounal la pèdi plis pase 200,000 abone apre li anonse desizyon an Vandredi.
Bezos ekri pou di desizyon an pa gen anyen pou wè ak enterè li antanke biznisman. Li di andosman yo pa gen anpil enpak, men ke yo ogmante pèsepsyon pami piblik la ke jounal la pa neut. Bezos di li pap kite Washington Post "disparèt pou l rive nan nivo initilite".
