Bad Bunny anonse li apiye Vis Prezidan Kamala Harris Dimanch, apre li pataje yon videyo kandida prezidansyèl Demokrat la yon ti tan apre yon komedyen ki tap patisipe nan miting politik Donald Trump la nan Madison Square Garden Nouyok te fè komantè rasis sou Latino yo epi dekri zile Potoriko tankou yon "zile pil fatra kap flote nan lanmè."
Komantè sa yo vekse atis, vedèt ak kèk Repibliken Latino.
Bad Bunny se youn pami pi gwo sipèsta nan mond lan nan moman an. Sipo li se yon kokenn chenn bourad pou kanpay Harris la nan moman kote lap eseye mentni sipo li pami Latino Ameriken yo.
Mizisyen Potoriken an, ki gen 30 an, te gen chante ke moun te stream pi plis pase tout lot atis yo an 2020, 2021, ak 2022. Se sèlman Taylor Swift ki te rive depase l an 2023.
