Beyoncé sipoze fè yon parèt Vandredi nan miting politik Vis Prezidan Kamala Harris ap oganize nan vil natal vedèt la, Houston.
Gen 3 moun ki byen ranseye sou koze a ki konfime nouvèl la pou Associated Press.
Kanpay prezidansyèl Harris la adopte chante "Freedom" (libète) ke Beyonce te pibliye an 2016 kom tèm mizikal li. Parèt chantez la bay yon anplè vedèt ak sa ki vinn tounen yon tèn kle pou kandida prezidansyèl demokrat la, a savwa libète.
Harris pral vwayaje nan eta Texas ki gen abitid vote pou kandida Repibliken yo, 10 jou sèlman anvan jounen eleksyon an nan kad jefo lap mennen pou resantre kanpay li kont ansyen Prezidan Donald Trump sou kestyon dilatasyon an.
3 moun ki pale ak AP yo pa gen otorizasyon pale piblikman sou kestyon an, kidonk yo pale sou kondisyon pou yo pa site non yo.
Kanpay Harris la pat reponn demann Harris fè pou komantè.
