Lapolis nan peyi d Ayiti arete yon sispèk an koneksyon ak yon ensidan ak zam ki te dewoule pi bonè ane sa a kote yon koup misyonè Ameriken ak yon Ayisyen ki te direktè oganizasyon charite yo an Ayiti te mouri pa bal.
Asasina 3 moun sa yo te fè anpil Ayisyen sezi.
Lapolis pibliye yon videyo sou rezo sosyal yo Mèkredi swa, ki montre yon nèg ki gen 52 zan ke yo akize dèske li patisipe nan asasina misyonè Davy ak Natalie Lloyd 24 Me pase a, epi Judes Montis, ki se direktè Missions in Haiti Inc. Oganizasyon charite sa a gen baz li nan vil Claremore nan eta Oklahoma.
Nan videyo a, sispèk la demanti li gen anyen pou wè ak asasina yo.
Li pa klè si lajistis Ayisyen akize misye ofisyelman.
