JEFFERSON CITY —
Kadav yon koup misyonè Ameriken ki mouri anba bal gang an Ayiti tounen jwen fanmi yo nan eta Missouri.
Paran Natalie Lloyd anonse sou Facebook ke kadav pitit fi yo ak bofis yo rive Vandredi nan vil Kansas City.
Yo pral transpote kadav Natalie ak Davy Lloyd lakay yo nan yon zon riral rejyon sid eta Missouri, kote fineray yo va dewoule Madi.
Plizyè santèn moun te asiste lantèman yo nan Potoprens pi bonè nan semèn nan. Yo te antere Judes Montis ki mouri nan atak gang lan ansanm ak yo.
Asasina yo dewoule nan moman Potoprens ap soufri anba zak vyolans gang yo, ki kontwole 80% kapital la.
