Ansyen Depite Ameriken George Santos sipoze plede koupab a plizyè chèf akizasyon pou frod nan pwosè federal li a, dapre yon moun ki familye ak dosye a.
Santos, yon depite Repibliken ki reprezante Nouyok nan Lachanm dè Reprezantan, ta dwe plede koupab pandan yon odisyon ki planifye pou jodi Lendi a nan Long Island.
Sous ki pale ak Associated Press la pat gen pèmisyon pou l diskite piblikman sou detay dosye a donk li pale ak AP sou kondisyon pou yo pa site non li.
Odisyon an pwograme pou Lendi apremidi. Se avoka Santos ak avoka akizasyon yo ki te mande odisyon sa a Vandredi pase a.
Yo mande tou epi jij la akode demann pou yo ranvwaye kèk pami delè ki gen pou wè ak pwosè a.
Nouvèl sa a vini kèk semèn sèlman anvan seleksyon manm jiri a te sipoze komanse, 9 Septanm.
