Lachanm Depite Etazini vote pou ekspilse depite Repibliken George Santos, ki reprezante Nouyòk nan Lachanm apre yon rapò komisyon etik la sou konpòtman li. Komisyon an jwenn misye te sèvi ak lajan sitwayen te bay kanpay li pou aktivite pesonèl li.
Santos se sèlman 6èm manm Lachanm ke kòlèg li pran desizyon pou dechouke.
Vòt Vandredi a te 311 pou e 114 kont.
Fok 2 tye depite Lachanm yo apiye ekspilsyon an pou li pase. Konstitisyon an fè ekspre pou mande majorite sa a.
Yon rapò piman bouk Komisyon Etik Lachanm nan akize Santos dèske li vyole lwa federal.
Nan moman li te vinn klè ke yo tapral dechouke l, Santos te mete manto li epi bay manm konsevatè Lachanm ki te vote kont ekspilsyon li lanmen. Apre sa li te pati kite chanm bas la.
