Vyèn, Otrich —
Avoka prenspal sispèk nan konplo pou atake seri konsè atis pop Taylor Swift tapral bay nan Vyènn deklare otorite yo prezante yon ka egzajere e ke kliyan li patap kapab mete an aplikasyon plan avoka a dekri yo. Avoka sispèk la dekri plan sa yo tankou "rèv". Misye fè komantè sa yo madi.
Otorite Otrichyen yo arete yon jenom 19 an Mèkredi pase a. Li se youn pami 3 sispèk yo arete.
Oganizatè konsè yo te anile konsè Swift te sipoze prezante Jedi, Vandredi ak Samdi nan stad Ernst Happel kapital Otrichyèn nan.
Otorite yo di sispèk la te vle lanse yon atak devan stad la epi touye otan moun posib ak kout kouto epi eksplozif ke li fabrike lakay li.
