Otorite Otrich yo anonse yo arete yon 3èm moun an koneksyon ak yon konplo yo dejwe pou atake seri konsè sipèsta Amerikèn Taylor Swift te anvizaje prezante nan Vyèn. Konsè yo anile kounyea, sa ki vekse fanatik fawouch chantez la.
Fanatik yo te rasanble anba lavil Vyèn pou twoke braslè dekoratif epi chante chanson vedèt pop la nan lari.
Prensipal sispèk la te gen entansyon vize moun ki te rasanble devan stad kote Swift tapral jwe a ak kouto epi eksplozif li dè lakay li swa Jedi oubyen Vandredi.
Otorite yo di konplo a jwenn enspirasyon nan gwoup Eta Islamik la ak al Qaida.
Swift sipoze vwayaje Angletè kote li pral prezante 5 konsè nan stad Wembley la ant 15 ak 20 Out. Se nan Lond li pral klotire etap Ewopeyen seri spektak Eras Tour li yo.
