WASHINGTON —
Depatman Jistis Etazini ap mennen ankèt sou akizasyon moun lanse pou di kom kwa Depite Demokrat Cori Bush, ki reprezante eta Missouri nan Kongrè a, te abize lajan gouvènman an pou peye pou sekirite pèsonèl li.
Nan yon deklarasyon li pibliye, Bush di pwokirè federal yo ap revize depans kanpay li sou sèvis sekirite, yon jou apre Depatman Jistis la te mande Sèjan d Am Lachanm Depite a pou l voye dokiman ki lye ak ankèt la ba li.
Bush di lap kowopere konplètman ak ankèt la e li demanti li fè chimen kwochi ak lajan enpo federal yo.
Depatman Jistis pa fè komantè sou koze a.
