LaRisi gen yon kantite prizonye ikrenyen ke li pa presize, petèt dè milye, anpil nan yo ke li te pran an 2022 lè li te mete syèj sou vil Mariupol ki bò lanmè a.
Kyèv ak kèk gwoup entènasonal ki ap defann dwa moun kritike jijman prizonye lagè yo nan Moskou kòm ilegal.
“Plis pase 200 solda Ikrèn jwenn santans prizon manch long pou asasinay sou sivil ak move tretman prizonye lagè, » se konsa Alexander Bastrykin, ki se alatèt Komisyon Ankèt LaRisi a, te pale nan yon entèvyou ak ajans nouvèl leta RIA Novosti.
Li sèmante ke Moskou ap kontinye efò pou jije solda ikreyen, pami yo “dirijan wo-nivo”.
3 Janvye pase, LaRisi ak Ikrèn te fè konnen yo boukante dè santèn solda ki te anba kòd nan premye boukantay konsa ke yo te fè depi dè mwa.
