Dapre Pantagon nan, solda Ameriken ki te kouri al lage kò li nan Kore di Nò sa gen pliske 2 mwa desa, twouve l kounyea nan yon baz lame Amerikèn nan eta Texas kote lap sibi egzamen medikal epi reponn kestyon anketè yo.
Kore di Nò te anonse sanzatann Mèkredi ke yo tapral depòte Travis King.
Lamezonblanch di peyi La Suèd ki se yon alye Lèzetazini ak rival li, Lachin te ede jwenn liberasyon misye.
Malgre responsab gouvènman an di King an bon eta sante eke yap konsantre kounyela a sou swen pou li epi re-entegrasyon li nan sosyete Amerikèn, pwoblèm li yo poko finn rezoud.
King te kouri al lage kò li nan Kore di Nò pandan li tap vizite yon vilaj ki sitye sou fwontyè Kore di Sid pataje ak Nò a, 18 Jiyè.
