Hunter Biden, pitit gason Prezidan Joe Biden, asiyen Sevis Revni Entèn Etazini an, IRS.
Nan dokiman legal li depoze, Hunter Biden di gen 2 ajan ki te vyole dwa li genyen pou pwoteje vi prive li lè yo te pibliye enfomasyon sou enpo li nan moman yo tap plenyen pou di ankèt federal yo tap mennen kont li a pat byen jere.
Plent la, ke li depoze devan tribinal Lendi deklare yo te pataje detay sou enpo li te peye pandan odisyon devan Kongrè a epi nan entèvyou e ke pwoteksyon legal Etazini bay moun ki revele move konpotman responsab gouvènman yo pa ba yo pwoteksyon pou fè sa.
Nouvèl la vini kèk jou sèlman apre lajistis te enkilpe Biden pou posesyon zam nan kad yon ankèt Depatman Jistis la ap mennen kont li depi lontan.
Dokiman enkilpasyon an akize Hunter Biden dèske li te bay manti sou adiksyon li te genyen ak dwog pou li te ka achte e posede yon zam a fe nan mwad Oktob 2018. Dokiman legal sa a taka lakoz misye oblije konparèt devan tribinal pandan dewoulman pwosè li an 2024 ki se yon ane elektoral Ozetazini.
