Manm Kongrè a retounen nan travay semèn sa a pou eseye evite yon fèmti gouvènman federal la. Pandansetan Repibliken nan Lachanm Depite ap reflechi pou wè si yo ta pousuiv yon ankèt pou mete ann akizasyon Prezidan Joe Biden.
Senatè yo te retounen nan travay Madi.
Palmantè yo pral konsidere yon mezi ki ta finanse gouvènman an a kou tèm pou anpeche tout ajans leta yo fèmen pot yo e sispann fonksyone. Mezi sa a ta dispoze finansman dijans tou pou Ikrèn ak pwogram asistans federal pou moun ki soufri akoz dezas.
Repibliken yo vle mennen ankèt tou sou biznis pitit gason prezidan an, Hunter Biden te fè ak peyi etranje.
Pa rete anpil tan pou Kongrè a pase a l aksyon sou bidjè a.
Lachanm ta sipoze rankontre pandan 11 jou sèlman anvan ane fiskal gouvènman an bout 30 Septanm.
Repibliken ak Demokrat pral eseye antann yo, pandan ke Senatè Repibliken Mitch McConnell ak Depite Steve Scalise eseye jere kestyon sante.
