WASHINGTON —
Lamezonblanch fè konnen Konseye Sekirite Nasyonal Lamezonblanch la, Jake Sullivan, rankontre Prezidan Guyana a, Irfaan Ali Vandredi kote yo te pale sou kestyon bilateral.
Konseye Sekirite Nasyonal pou Vis Prezidan an Philip Gordon, te asiste rankont la tou.
Dapre sa Lamezonblanch di laprès, pami sijè yo te diskite genyen, sekirite sektè enèji a, chanjman klimatik, enpak migrasyon Venezyelyen genyen sou rejyon an epi kriz sekirite a.
Pandan rankont la, Sullivan te remèsye Prezidan Ali pou sipò li pou lide pou yo ta voye yon fòs miltinasyonal an Ayiti pou ede jere ensekirite a. Responsab yo te diskite tou sou sipò rejyonal pou pèp Ayisyen an.
Korespondan VOA nan Lamezonblanch, Patsy Widakuswara kontribye a repotaj sa a
