Gouvènè eta Massachusetts Maura Healey deklare yon eta dijans Madi. Li site pakèt migran kap chache refij nan eta a nan moman kote enflasyon kontinye ogmante.
Healey di gen prèske 5,600 fanmi swa plis pase 20,000 - pi fo pami yo se migran - ki ap viv nan refij eta a.
Se yon ogmantasyon konparativman ak 3,100 fanmi ki tap viv nan abri sa yo ane pase a. Sa reprezante yon ogmantasyon 80%.
Healey di lap mande gouvènman federal la asistans. Pami asistans sa a gen yon pwosesis pi rapid pou apwouve pèmisyon pou travay pou moun ki fèk rive yo ka jwenn djob pi vit.
Massachusetts se yon eta ki tonbe anba kad "dwa abri" kivle legalman li oblije dispoze abri pou tout fanmi ki elijib pou sa.
