Plizye douzen palmante demokrat Ameriken ap mande administrasyon Biden nan pou li mete fen nan pwosesis lap anplwaye pou egzaminen migran kap chache azil Ozetazini yo. Palmante yo di pwosesis rapid sa a lakoz moun yo pa gen akse ak konsey legal.
Administrasyon an te lanse pwogram sila a nan sezon Prentan an, e otorite yo te pwomet pou yo bay migran yo akse ak avoka. Si sa te fet se tap yon depa enpotan ak politik ki te ann aplikasyon anba administrasyon Trump la.
Jiskaprezan pwomes sa a poko reyalize.
Ajans nouvel Associated Press te rapote mwa pase a ke yon gwoup avoka te estime gen petet 100 migran ki te jwenn reprezantasyon legal nan premye 3 mwa politik sa a te antre ann aplikasyon. Gen kek santen plis ki resevwa konsey legal ki pa ofisyel atrave apel telefonik.
Chif sa yo reprezante yon fraksyon selman plizye milye migran ke otorite Ameriken yo tcheke depi komansman mwad Avril la.
