Gouvènman Ameriken an di li pral pran referans sitwayen Ayisyen, Kiben, Venezyelyen ak Nikaragweyen nan Meksik pou yo ka petèt re-enstale moun sa yo antanke refije Ozetazini.
Meksik anonse semèn sa a li pral tabli yon sant sèvis ki va ofri anplwa ak posibilite pou re-enstale Ozetazini, moun ki soti nan peyi sa yo.
Lè gouvènman Ameriken an te komanse egzije migran kap chache azil aplike sou entènèt oubyen depi peyi kote yo soti, anpil nan yo te deja nan wout pou yo ale sou fwontyè Etazini pataje ak Meksik la. Anpil nan yo te vinn bloke nan Meksik.
Sant Meksiken an gen kom bi pou desèvi moun sa yo.
Gouvènman Meksiken an pa spesifye ki kote li pral tabli sant la.
